Kayi baar aapne socha hoga ki iss duniya ke tanaav se door akele ek sfr pe nikle aur vaadiyo mein kho jaaye. Pr kya ho agr uss sfr mein aapko koi aisa mil jaaye jiski aapne klpna bhi nhi ki ho. Aisi hi ek kahani hai 24 saal ke Ayush aur 22 vrsh ki Kirti ki.

Ayush, varanasi mein rehne wala ek 24 saal ka naukri-pesha aadmi tha. Din mein kaam pe jata, din bhr privaar ke liye mehnat krke raat ko thka haara aakr so jata, bs yhi uski zindagi thi. Kirti, Punjab ke chhote se sheher Mahilpur mein rehne waali clg student thi.

Ek din kaam se tang aake Ayush ne socha ki thoda break leke pahado ke beech chle jaaye. Fir kya jaise taise kaam nipta kar Manali ki ticket karayi aur chl diya. Ab isey ittefaq kaho ya niyati ki shaajish, Kirti ne bhi apni chhuttiyo mein Manali jaane ka nischit kiya.

Dono train mein chdh gye, kisiko nhi pta tha ki niyati unhe kis mod pe khda kr degi. Ayush ka compartment, Kirti ke bgl wala tha. Safar ke dauran dono ki nazre mili, Ayush usey dekhta reh gya. Uska chand sa chehra, hawa se lehraate baal aur jheel si aankhe dekh voh itna madhosh ho gya ki aas paas ka khyaal na rha. Kirti bhi kuchh der ke liye maun reh gyi. Dono ne apna sfr shaanti se guzara bina ek doosre se zyada baat kiye.