Voh dono alg alg hotels mein rukte hain. Pehle din dono bs apne rooms mein araam krte. Agle din Ayush hotel mein naashta krke Manali ghoomne ke liye nikl jata aur Kirti subah garden mein walk krti hai fir kisi restaurant mein naashta krke golf khelne chli jaati. Uske baad Bhrigu lake mein baaki ka din guzaarti hai.
Ek trf Ayush Manali ki vaadiyo ka aanand leta hai vahi doosri trf kirti koshish krti hai hr pl ko tasveer mein kaid krne ki aur social media pe post krti hai.
Poore din ghoomne ke baad Ayush kisi restaurant mein dinner krta hai. Aur thk haarke Kirti bhi usi restaurant mein dinner ke liye aati hai.
Niyati ke chakravyuh se kaun bch ska hai??
Dono iss baat se anjaan ki niyati unhe dobara paas le aayi hai, apna dinner krke ja hi rhe hote hain ki bill dete wqt dobara unki nazre takraati hain. Voh dono dobara maun reh jaate hain pr Ayush himmat krke usey saath vapas jaane ki kehta hai.
Apne Apne hotels jaate vkt dono ke beech pehli baar baat shuru hoti hai. Ayush Kirti ko drop krta hai, hotel mein jaane se pehle voh apne numbers exchange krte hain. Fir Ayush bhi apne hotel jaakr aaraam krta hai.
Dono ek doosre ke baare mein sochte hue hi so jaate hain.
Agle din bhi Ayush hotel mein naashta kr ghoomne ko niklta hai aur Kirti garden mein tehelne ke baad restaurant mein naashta kr golf khelti hai fir iss baar voh bhi ghoomne nikl jaati hai.
Aise hi kuchh dino mein dono ke beech baat dheere dheere bhadti hai aur roz 1-2 baar milna bhi shuru ho jata hai. Ek din dono saath mein ghoomne ka plan bnaate hain.
Toh agle din dono tyaar hoke ek jgh milte hain fir poora din ghoomne aur baatein kr guzaarte hain. Raat ko restaurant mein dinner kr saath hotel jaane ke baad ek doosre ko alvida kehte hain aur apne hotels mein araam krte hain.
Dono ki ek doosre ke prti feelings bhd hi rhi hoti hain ki agle din Ayush ko dftr se msg aaya tha ki uski koi important meeting hai toh usey urgently vapas jana pdega aur Kirti ka clg bhi shuru hone ko tha....