3 saal jail mein rehte vkt Kirti ke ex-husband, Karan, ne Kirti aur uske privaar ki poori jaankaari nikaal li thi. Iss vkt pe Ayush aur Kirti ki zindagi mein Rania naam ki beti bhi thi. Jail se chhootne ke baad Karan sochta hai ki ab voh Kirti se apna badla kaise le.
Shuru mein usne unn dono ki naukri khtm krne ki koshish ki. Usne hacker hire kr dono ke heads ko insulting mail bheja jisse Kirti ki naukri toh khtm krne mein voh safal rha pr Ayush, puraana aur oonche pd pe hone ke kaaran, warning pe chhoot gya. Karan ko ye dekh santushti hui ki kuchh hdh tk voh unki zindgi barbaad kr ska. Pehle toh unhe smjh nhi aaya ki ye kaise hua pr jb voh kisi trh manage kr aage bhadne lge toh Karan se ye dekha na gya. Toh usne hacker ki mdd se unn dono ke bank account khaali kr diye, iske baad unn dono pe jaise museebaton ka pahaad toot gya. Unhe smjh nhi aaya ki ye sb kaun kr rha hai aur voh isse kaise nikle.
Voh dono inn lagatar aayi museebato se joojh hi rhe the ki Karan ko apne sources se Kavita aur uski Ayush ke prti feelings ka pta lga. Ye jaankr usne kisiko Ayush aur Kavita ke peechhe lga diya aur unn dono ki kuchh photos niklwaai. Fir usne voh photos morph kr Kirti ko bheji. Anjaan number dekh Kirti toh smjh nhi aaya ki kisne msg kiya pr photos dekh voh pehle toh hairaan reh gyi pr Ayush aur apne pyaar pe bhrosa kr usne Ayush se iske baare mein kuchh nhi kaha. Pr jb Kirti ko lgatar aisi photos milne lgi toh uska shk ykeen mein badlne lga. Ye sochke uske pairo tale zmeen khisk gyi ki Ayush, jisey voh khudse zyada pyaar krti thi, usne usey dhoka diya.
Karan ke iss daav se Ayush aur Kirti ke jeevan mein kadwahat aayi. Kirti ne Ayush se jb iss sbke baare mein poochha toh Ayush ne saaf inkaar kr diya. Pr baat yaha khtm nhi hui, unn dono ke beech jhagde bhadne lge jisey dekh Karan ke dil ko thandak pdi.
Ek trf Karan ab paiso ke nshe mein pagal ho gya tha aur ab usey ab iss sbme mza aane lga tha toh vhi doosri trf Ayush aur Kirti ke saath unka parivaar bhi preshaan tha ki unhe kiski nzr lg gyi. Iss baar Karan ne kuchh aisa krne ki sochi jisse voh unn dono ko alg kr ske. Toh ye baat jaanne mein usey vkt nhi lga ki Harsh unn dono ki naazuk kdi hai aur Harsh ke zariye unn dono ka rishta bhi khtm ho skta hai. Toh Karan ne ab Harsh ko kidnap krne ka plan bnaya. Fir ek din mauka milte hi Karan, Harsh ko behla fuslaake apne saath le gya aur ek warehouse mein kaid kr diya. Aur uss warehouse mein koi dikkt na ho isliye usne kuchh aadmi bhi tainaat kr diye.
Jb Harsh ke ghrwaalo ko Harsh ki koi khbr nhi hui toh voh preshaan hokr police station gye . Pr fauran tehkeekaat shuru krne ke liye unhe police waalo ko paise khilaane padte aur bank account mein zyada paise na hone ke kaaran voh bs FIR ki copy leke vaapas aa gye. 2 din tk jb voh Harsh ko nhi dhoondh paaye toh unhe tadapta dekh Karan ne unhe btaya ki usne Harsh ka kidnap kiya hai aur 4 din mein 10 crore rupay ki maang ki. Karan ne unhe ye vishwaas dilaya ki jb tk paise nhi aa jaate voh Harsh ko kuchh nhi krega aur police ko kuchh bhi batane se mna kiya.
Iss sbke baad Ayush aur Kirti ko smjh aaya ki Karan unse apna badla le rha hai. Ye jaankr unhone aapsi md-bhed chhod paise arrange krne ki koshish ki. Warehouse mein Harsh, mahaul se drke rone lga toh uski awaaz se preshaan ho, Karan ne usey kisi trh chup kraya, aur uske saath bhi behremi se bartaav krta. Iss sbse anjaan Ayush aur Kirti kisi trh paise arrange krte rhe pr firauti ki rkm zyada hone ki vjh se voh vkt pe poore paise arrange nhi kr paaye toh unhone Karan se samjhauta krne ki sochi. Saath hi police ko bhi chaukanna kr diya tha taaki Karan ko saza de ske.
4 din baad Ayush aur Kirti, Karan ki batayi jgh pr aa gye aur iss soch mein the ki unke bete ka kya haal hoga. Vhi Karan, iss baat se anjaan ki police se ghira hua hai, vha pehle se hi maujood tha. Jb unka exchange hua tb Karan ko pta chla ki Ayush poore paise nhi laa paaya. Tbhi police usey btati hai ki voh ghira hua hai toh koi chalaki na kre. Iss sbke baad Karan, Ayush se kehta hai ki usey police ko nhi lana chahiye tha aur Harsh ko shoot krta hai. Pr Ayush beech mein aake usey bcha leta hai, isme usey kndhe pe goli lgti hai. Fir police fauran Karan ko girftar krti hai aur Ayush ko apne paise bhi mil jaate hain
Iss baar Karan ko kidnapping aur attempt to murder ke jurm mein umr kaid ki saza hui. Vhi doosri trf Ayush hospital mein tha, uske andr se goli nikl gyi thi toh ab khtre se baahar tha. Ayush aur Kirti khush the ki ant mein unka parivaar fir ek ho gya.