Ayush aur Kirti ko alg hue 1 saal ho chuka tha. Ayush apna ateet bhulaane ki laakh koshish krne ke baad bhi Kirti ko nhi bhool pata. Pr isey takdeer ka khel samajhkar khudko dilasa deta rehta. Ayush ke ghrwaale preshaan hone lge ki unka khush-mijaaz sa ldka ab dukhi rehta tha. Unhone socha ki Ayush ki shaadi karade toh shyd thoda normal ho skega, pr Ayush hr rishte ko mna kr, apna drd chhipaake apne kaam pe dhyaan lgane ki koshish krta.
Iss vkt pe uski zindagi mein aati hai Kavita, uske dftr ki colleague, jisey Ayush shuru se psnd tha. Kavita ne Ayush se pehle toh zyada baat nhi ki pr jb usey pta chla ki uska brk up ho gya hai toh voh interact krne ki koshish krti hai. Pehle toh zyada faayda nhi hua pr dheere dheere Ayush thoda normal hone lga toh interaction shuru hua.
Vhi doosri trf Kirti ke ghrwaale khush the kyunki unhone apni psnd aur apni caste ke ladke se Kirti ki shaadi karadi thi. Pr Kirti apni shaadi se khush nhi thi, voh abhi bhi Ayush ko miss krti thi. Uska husband uske saath berehemi se bartaav krta tha, pr Kirti apne privaar ki izzat bachane ki vjh se chup chaap sehti rhi. Pr jb usse bardasht nhi hua toh usne apne ghr pe sb bta diya. Shuru mein toh smaaj ke dr se unhone kuchh nhi kiya pr jb unhe lga ki unki beti bilkul khush nhi hai toh unhe apni glti ka ehsaas hua aur smaaj ke dr ko chhodke unhone Kirti ka divorce kra diya.
Kirti ke divorce ko 2 saal ho gye the, ab voh Haryana mein apne kaam pe focus krti thi aur ab usey koi shaadi ke liye zabardasti nhi krta tha. Doosri trf Ayush, jo abhi bhi poori trh Kirti ko nhi bhula paaya, aur Kavita ki dosti thodi bhdi. Kavita isse bahut khush thi pr jb usne dekha ki Ayush abhi bhi Kirti se pyaar krta hai toh usne Ayush se kaha ki voh Kirti ko contact krne ki koshish kre.
Pehle toh Ayush ne mna kiya kyunki usey koi ummeed nhi thi ki isse kuchh ho paayega pr Kavita ke force krne pe voh koshish krta hai Kirti ko contact krne ki. Kuchh din dhoondhne ke baad usey Kirti ka contact mila, tb uski profile se pta chla ki Kirti Haryana mein hai. Ayush ye Kavita ko btata hai, uske baad Kavita uske saath Haryana jaake Kirti ko dhoondhne mein mdd krti hai. Jaise taise voh Kirti ke office pahunchte hain pr tb unhe pta chlta hai ki Kirti kisi meeting ke silsile mein Delhi gyi hai.
Tb voh dono jldi se Delhi ki flight lete hain aur iss dauran Kirti bhi meeting khtm krke vaapas aajati hai. Ayush aur Kavita poore sheher mein Kirti ko dhoondhne ki naakaam koshish krte hain, fir niraash hoke vaapas chle jaate hain. Kirti ko dftr aake pta chalta hai ki 2 log usse milne aaye the pr jb unhe pta chla ki Kirti Delhi mein hai toh vaapas chle gye. Jb Kirti ko pta chla ki unme se ek ka naam Ayush hai toh voh thoda khush hoti hai aur Varanasi ki flight leti hai aur Ayush ke dftr jaati hai. Isi dauraan jb Ayush aur Kavita itni koshish ke baad bhi Kirti ko nhi dhoondh paate toh sb chhodke kaam pe dhyaan dete hain.
Shaam ke kreeb Kirti Ayush ke dftr aa jati hai aur jb voh dono ek doosre ko dekhte hain toh dobara maun ho jaate hain. Kavita unhe akela chhod deti hai aur Ayush Kirti se poochhta hai ki voh yaha kaise aur uska husband kaha hai. Toh Kirti usey poori baat btati hai, jb Ayush ko pta chalta hai ki Kirti ka divorce ho chuka tha aur voh sirf usse milne Varanasi aayi hai toh uski khushi ka thikaana na rha. Fir voh dono baaki ka din saath bitane ke baad agle din apne ghrwaalo ko ek baar fir unki shaadi ke liye poochhte hain aur iss baar dono ke ghrwaale khushi khushi raazi ho unki shaadi kra dete hain. Ab unki shaadi ko 2 saal ho jaate hain. Iss vkt pe unka ek beta Harsh bhi tha, voh teeno khushi se apni baaki ki zindgi guzaarte hain. Kirti ka ex husband custody mein tha uske bure bartaav ki vjh se.