Story:
Ek baar ki baat hai… ek anjaani si raat thi.
Ek ladka, Aarav, bike se jaa raha tha, jab uski nazar ek ladki par padi jo bus ka intezaar kar rahi thi.
Us pal kuch to alag tha — bas usne dekha, aur dekhte hi reh gaya.
Love at first sight kehna galat nahi hoga.
Us din ke baad, Aarav roz us bus stop par jaane laga.
Na jaane kyon, par use yeh dekhkar sukoon milta ki vo ladki — Angel — safe ghar pahunch gayi.
Phir ek din usne apne dost ko sab bataya.
Dost ne kaha,
‘Bro, yeh smartphone ka zamana hai, tu 90s mein jee raha hai kya? Naam pata hai to social media pe dhoondh!’
Aur waqai, Angel mil gayi.
Usne friend request bheji, Angel ne pehle mana kar diya.
Par kuch din baad, accept kar li.
Aarav ne ‘Hello’ likha.
Angel ne sirf ek sochne wali emoji bheji.
Angel samajh gayi ki use kuch kehna hoga.
Usne apni basic details bheji.
Dheere-dheere baatein badhi…
Aur ek din, baatein rishte mein badal gayi.
Dono ek jaise the — ego, gussa, attitude…
Par sabse upar tha ek dusre ke liye pyaar aur respect.
Jab bhi ladai hoti, kabhi baat band nahi hoti.
Wo sunte the, samajhte the.
Lekin phir… ek din Angel ke ghar walon ko pata chal gaya.
Unhone use bahut maara, roka, taane diye.
Phir bhi, usne Aarav ko message kiya — bina kuch bataye.
Phir dobara pakdi gayi.
Ghar walon ne phone cheen liya.
Angel ne socha —
‘Chhod doon? Ya khatam hi ho jaun?’
Usne medicine le li…
Aur uski duniya chup ho gayi.
Hospital le jaya gaya,
Par der ho chuki thi.
Jab Aarav ko pata chala, vo pagal sa ho gaya.
Antim sanskar mein aaya, aur bas itna hi kaha —
‘Tum logon ki wajah se meri Angel chali gayi…
Tumne apni beti kho di,
Aur meri mohabbat mujhse chhin li.’
Uske baad vo chala gaya…
aur kabhi wapas nahi aaya.
Kuch kahaniyaan sirf yaadon mein nahi rehti…
Waqt ke kisi mod par, woh phir se jeene lagti hain…
Shayad yeh kahani bhi abhi poori nahi hui thi....