Baat unn dino ki hai.. jab mein bus se haridwar tak ja rahi thi.buss puri trah se logo k sath bhari hue thi.. buss mein chadna tak mushkil ho rakha tha .. par phir bhi conductor puri laparwahi se abhi tk sawari logon ko chadhane mein lga hua tha.. tabhi piche wale seat par ek uncle udaas se bethe hue the aur hairaan kar dene wali baat tab hue jab sath wali seat k paise bhi unhone de kar vo seat apne pass le rakhi thi..parr bus apne raston se hoti hue chalti ja rahi thi par abb takk uss seat pr koi swari nhi bethi thi..ab tk buss mein pair rakhne ki jagah bhar bhi nhi bachi thii..log uss seat par abhi tk betha chah rahe the jo tabb se khali hi padi thi jab se bus chalti aa rahi thi.. mein bhi yeh sab dekh kr dhere dhere bechain hoti ja rahi thii.. ki akhir uss seat ki davedari karne koi kyun nhi aaya tha.. aur uncle bhi ussi trah chup chap bethe udaas najron se kinhi yaadon mein khoye hue the..
Abb to logon mein seat lene k liye mara mari tk hone lagi. Log janna chah rahe the ki vo seat akhir abhi tak khali kyun padi thi jabki uski ticket puri khareedi gyi thi..
Aakhir mein conductor ne jab khud unn uncle se iss seat ke khali rehne ki wajah puchi to lagbhag bus k ander ki har sawari ki aankhon mein dukh bhare aansu the.. kyunki uncle ne kaha ki vo akele nhi ja rahe the unke sath wali seat par ek lota rakha tha jo ek kapde se dhaka hua tha aur uske ander jo tha vo unki zindagi bhar sath nibhane wali patni ki asthiyan thii.. aur jab uncle ne bhari mann aur ankhon mein ansu bhar kar sabko btaya tha ki yeh safar unki hum safar ka akhri safar unke sath thaa.. to yakeen maniye dosto wahan ke harr shaks ki aankhon mein pani tha yeh sab sunn kar....!!
Zindagi mein bahut yaadein aur kuch pal aise bhi aate hain jab hum unn baaton ko ya unn yaadon ko bhula nhi pate.. aisa hi ek safar yeh bhi tha dosto jo meine dekha aur mehsus kiya ki ek insan ki zindagi se uske sachhe humsafar ka dur jana hamesha ke liye kya maayne rakh sakta hai...
Apko yeh padh kar sach meiin dukh lga hoga parr jab mein apse yeh sab share kar rhi hu to meri aankhon mein aaj bhi uss din ki yeh yaad soch kar hi aansu aagye..!!
Dhanyawad dosto agar aapne iss pal ko mere sath jiya hoga. Apko yeh padh kar kaisa lga apne sujhav comment box mein jarur dijiyega .. aur aise hi mujh par apna sneh bnaye rakhiyega.. yeh meine aaj pehli baar short story mein ap logo k sath share kiya...!!