Ham sabhi janate Hain ki iss world me bahut kam log hi hote Hain Jo apne sapane,apane dream job ko paa lete Hain. Inke liye satisfaction ya youn kahe to moksh ki prapti tabhi ho jati. Inake liye ye bhi matter nahi karta ki unka dream chhota hai ya bada bas ve usse jina,nahi nahi khushi khushi jina suru kar dete Hain. Par unka kya hota hai jinke dream dream hi rah jate Hain?? Ve majboori me koi aur kam karna suru karte Hain par ve kabhi uss moksh ke aanand ko le nahi pate chahe unka Kam unake dream work se kitna bhi bada kyo na ho. Agar ham analysis kare to iss category ke logo me kuchh log fir se apana passion follow start kar dete hai par inaki ginti nammatra ki hoti hai to yahan ek bada question arise hota hai ki inn baki bache logo ka kya Jo socity ke maya jal me faste hue hi chale jate Hain. Unhe high pay job aur usake sath sath sabhi luxury goods bhi milate hain fir bhi Inke man ke andhere mee unka oo dream chhipa rahata hai jo roj unhe ek negative realisation deta rahata hai jisse ek time ke baad frustration, irritation hona suru ho jata hai, fir unn luxury goods ka koi matlab rahata nahi hai.

Yaha ham aise logo ka generalization kar ek example se unake manosthiti ko samjate hain.



Ye kahani Haryana ke ek family se suru hoti hai. Ye pahalwan oo ki ek family hai jisko pahalwani apane purvajon se mili Hain. Ghar me kul 6 sadsya hain. LILA, joki ki iss kahani ki ridh hai, kyonki puri kahani inhi ke around ghumegi. Lila ke husband Ramswaroop, state level wrestling champion rah chuke Hain aur aaj ye ek wrestling academy chalate hain. Inke do Bhai PRANAV and PARMARTH . apane parivar ke nakshe kadam par chal rahe Hain aur inaka sapana olympic tak jana hai. Lila ke do bachhe ek ladka aur ek ladki jo abhi primary classes me padh rahe Hain. Ab ham lila ke bare me kuchh bata de to lila ek graduate hai aur oo teaching karana chahati thi par usaki sadi aur fir ghar ki jimmedariyon ke karan usaka dream usake man me kahi kho sa gaya tha. Ab ek hariyanvi family aur uppar se pahalwan, yaha hame lila ke roj ke routine ke bare me easily malum kar sakate hain. Roj subah suryoday se pahale jagana aur lag jana apane kam par jaha usse breakfast ready karne se lekar bachon ko ready karna sab samil hai. Surya namaskar karane ke baad sabako breakfast karana aur fir lag jana dopahar ke khane ko taiyar karne me. Dopahar ke bad fir saam ke khane --------

Fir agale din yahi kam na kuchh naya. Roj din badalate the date bhi badalte the yaha tak ki har din tapman bhi badalta tha par sirf badalta nahi tha to lila ke kam. Yahi uski dincharya ho gayi thi. Lila bhi ab kare to kare kya.

So issi tarah dhire dhire lila ke undar bhi apane roj ke kam ke prati irritation hone laga. Dhire dhire frustration badhane laga,ye frustration jab kabu se bahar ho jata to kabhi bachho par to kbhi khud par nikal jata. Lila sad rahane lagi. Usse un sabhi kamo se nafarat hone lagi usse Aisa fill hone laga ki usaka koi bajud hi nahi hai, iss life me usaka kuchh role hi nahi hai, aur sach me dekha jaye to isame lila ki koi galati nahi thi, human nature hi aisa hai.

Yaha ek solution MOTIVATION ho sakta hai aur sabke liye yahi pahala approach hota hai. Par reality me dekha jaaye toh motivation uss drugs ke similar hai jo insano ke body me jate hi uss body ko kuchh samay ke liye ultimate energy ka abhas karata hai aur akhirkar neutral position me aa jata hai. To ham directly kah sakte Hain ki motivation to permanent solution nahi hai.

Yadi mere view me dekha jaaye to lila ko sirf apane role, apane kame ko positive angle se dekhana tha par ye itana asan bhi na tha. Isake liye usse apane aap se baten karani thi, apane thinking ability par believe karna tha. Aur iske liye lila ko ek break ki need thi. Joki usse Milla.

Ek din jab lila morning me jagi toh oo achha fill nahi kar rahi thi usse headache aur tej feaver bhi tha. Fir kya usse na chahate hue bhi rest karna pada. Fir morning me doctor aaye treatment hua aur oo rest kar rahi thi. Abb ham jab iss action ka reaction dekhate hai to pate Hain ki uss ghar rupi universe me sab kuchh destroy ho gaya tha. Bachhe jo ki Bina lunch liye school gaye aur unhe der bhi ho gaya. Wrestling academy ki chhuti uss din kar di gayi. Koi bhi abhi tak breakfast nahi kar paya tha. Itane sare chaos ko lila ne bhi dekha. Bas ab kya tha lila ke mind ne apana kam suru kar diya tha. Usse dhire dhire apane kam ke importance ke bare me samjh aane laga tha. Kuchh der ke andar hi lila apane role ke bare me clear ho gayi thi. Usse aisa feel ho raha tha ki oo hi iss ghar ke universe ki centre hain. Usse apane app me ek guilt ka bhaw bhi aaya ki ye jitna caos hua hai, isake liye sirf oo hi jimmedar hai. Ab isake mind ne uski aankho ko isake kam ka positive side dikhana suru kar diya tha. Ab hona kya tha lila ki sari frustration and irritation joki, apane kam ke liye tha oo sabhi ek pal me hi gayab hoo gayi. Finally, aaj ke baad oo kabhi apane kam ko ek bojh

nahi balki ek responsibility ke rup me dekhane lagi. Jab kabhi bhi oo frustrate hoti tabhi usaka mind only ek question puchhata ki-- kya oo unn sabhi ke liye guilty banane ke liye taiyar hai, jab usake kam na karne par jitane bhi log pareshaniyon ka samana karenge. Bas iss quistion ke aate hi ek bar fir frustration har jata aur lila khusi khushi apana kam enjoy karti. Isake liye usse apane uppar proud bhi hai.

Uppar ka ye basic story hame kewal yahin illustrate karana chahata hai ki ham apane sachai ko accept kare aur life ne jo bhi hame Diya usse ek opportunity ke rup me le. Uss kam ko only ek baar positive approach se dekhe, kewal ek bar ham appane role ko samajhe, hamare na hone se usake affect ko jane, apane upar dependent logo ko or organisation ko jaan le tab oo kam hamare liye bojh nahi balki wahi hamari identity ban jayegi. Agar ham Aisa karane me safal ho jate hai to hamare frustration ke pass itani power nahi rahega ki oo un sabhi dependent logo ke lige hame guilty bana sake. Ham ye war easily Jeet jayenge. Sirf hame apne kam ko ek positive angle se dekhana hai aur aisa karte hi frustration aur irritation hamare samne harti najar aayegi.

THANKS