Jb voh vapas jaane ke liye gaadi mein baitha aur gaadi start ki tb kuchh hi door jaate hi uski gaadi achaanak bnd pd gyi. Toh usne gaadi se utarkar dekha toh usey samjh nhi aaya ki kya kharabi thi... usne thaane mein phone krne ka try kiya ki shyd koi mdd mil jaaye. Pr kisine phone nhi uthaya

Akash - "Kya yrr... ye sb mere saath hi kyu hota hai.... Ab itni raat mein kisse mdd maangu..."

Akash ye sb sochte hue aas paas mdd ke liye kisiko dhoondh hi rha tha ki tbhi usey thodi hi door ek parchhaayi dikhi. Usne socha shyd koi aur bhi fs gya hai aur kisika intezaar kr rha hai.

Akash ne ye sb nazarandaaz kra aur jb kaafi der tk mdd nhi mili toh phone pe aas pass kahi teherne ki jagh khojne lga..... Ki tbhi usey lga ki uske bgl mein koi hai.... Bgl mein dekha toh ek ldki, laal jode mein dupatta ode, uske bgl mein thi.

Ldki - "Am... main yhi thodi door khdi thi toh dekha ki aap gaadi hone ke baad bhi yaha ruke hain... kya aapki gaadi khraab ho gyi hai??"

Akash - "A... hn...gaadi pehle toh sahi se chl rhi thi... pta nhi kya hua.... achanak bnd pd gyi... "

Ldki - "Aap bura na mane toh main ek baar dekhu??"

Akash - "Nhi chhodiye aap kya hi dekhengi... aap koi mechanic toh hain nhi..... main dekh lunga kuchh na kuchh "

Ldki - "Arey... mechanic nhi hu toh kya hua thodi bahut gaadiyo ki jaankari toh hai mujhe..... ek baar dekhne toh dijiye.... Vaise bhi doosro ko bachane waale jb khud musibat mein ho toh uski mdd krne mein kaisi dikkt."

Akash ne ye sun, bina kuchh kahe ldki ko gaadi dekhne di.... Kuchh hi plo baad ldki ne Akash se gaadi start krne ko kaha.

Akash ne gaadi start ki toh voh hairaan reh gya.... Gaadi ek baar mein start ho gyi.

Akash - "Ye aapne kaise kiya... main aadhe ghante se yha dimaag maar rha hu pr mrko smjh nhi aaya aur aapne chutikyo mein sahi kardi "

Ldki (hste hue) - "Maine kaha tha na... mechanic nhi hu toh kya... thodi bahut gaadi ki jaankari toh mujhe bhi hai. "

Akash - "Achha, ab kyunki gaadi sahi ho gayi hai toh chliye aapko bhi aapke ghr chhod deta hu...."

Ldki - "Isme shukriya krne ki kya baat.... Aur rhi baat mrko chhodne ki... toh aap meri chinta mt kijiye... main chli jaaungi"

Akash - "Aree aap kaha itni raat mein intezaar krengi.... Mere saath chliye... Iss trh main aapko shukriya bhi bol paaunga."

Akash ke itna kehne ke baad ldki, bina kuchh kahe gaadi mein baith gyi. Vaapas aate wqt poora sannata tha..... Akash shaanti se gaadi chla rha tha.... Aur ldki bhi khamosh thi.....

Akash ko ye khamosh kuchh khatakne lgi toh usne chuppi todi aur kaha "Achha iss sbme aapka naam poochhna toh reh hi gya... Main Akash hu, aapka naam kya hai?"

Ldki ne kaha, "Ji mrko aapka naam pta hai aur aap bhi mrko jaante hain..."

Akash - "J...Ji kya kaha aapne... aapko mera naam kaise pta aur main aapko kaise janta hu..?"

Itna kehte hi jb usey koi jawab nhi mila toh usne hlka sa peechhe mudke dekha.... aur jo usne dekha uspe usey ykeen nhi hua... Vaha koi nhi tha, Akash ne turant gaadi roki aur thoda yha vha dekha pr koi na dikha.

Akash - "Aree.... Kaha gyi ye ldki..... abhi toh yhi thi..... "

Jb thoda dhoondhne ke baad jb usey koi nhi dikha toh voh seedha apne ghr chla gya... aur ghr aate hi sone chla gya.

Voh sone ki koshish kr rha tha pr uske dimaag mein abhi bhi yhi khayal aa rhe the ki, voh ldki kaun thi jo usey dikhi aur usne aisa kyu kaha ki voh dono ek doosre ko jante hain... aur iss sbme Rania kaha gyi.... Phone kiya pr vha nhi mili... Ye sb sochte hue voh kb so gya usey bhi nhi pta chla.